السلام عليكم، معاكم نسيمة، المدربة ديالكوم، خريجة المدرسة المحمدية للمهندسين ومهندسة بالفطرة. تخصصي؟ استراتيجيات البزنس، وعندي دبلوم ماجستير في إدارة الأعمال من جامعة كوفنتري في قلب لندن. مشواري في عالم المقاولة والتجارة الإلكترونية ماشي كلام فارغ، بل هو الحمد لله سلسلة من المشاريع اللي درتها من الانترنت والنجاحات اللي حققتها. و بالإضافة لهادشي، عطيت من وقتي وخبرتي في الاستشارات، نصحت و واكبت مجموعة من المقاولين والشركات الناشئة، مغاربة ومن بلدان أخرى، ودرت معاهم خطط استراتيجية وخطوات في عالم التجارة الإلكترونية باش يطيرو بمشاريعهم في السماء الرقمية، يضاعفو الأرباح، ويخلقو صدى قوي لمنتوجاتهم وخدماتهم. ما تفوتوش الفرصة باش تكونو جزء من عائلتنا، تبداو هاذ المغامرة وتحققو الطموحات لي كنتو ديما كتمناوها